Dua Lipa (lindur më 22 gusht 1995) është një këngëtare, tekstshkruese dhe modele angleze me prejardhje shqiptare, që jeton në Londër, Angli.Në vitin 2015, ajo nënshkroi kontratë me Warner Music Group dhe publikoi albumin e saj të parë, Dua Lipa në vitin 2017. Albumi mbërriti të radhitej numër tre në Grafikun e Albumeve të Mbretërisë së Bashkuar dhe përmbante nëntë këngë, duke përfshirë "Be the One" dhe "IDGAF", si dhe këngën numër një në Mbretërinë e Bashkuar, "New Rules", e cila po ashtu mbërriti të radhitej numër gjashtë në Shtetet e Bashkuara. Në vitin 2018, Lipa fitoi çmimin Brit Awards për kategorinë Solo Artistja më e Mirë dhe Artistja më e Mirë e Re.
Publikuar në prill të vitit 2018, kënga "One Kiss", me Calvin Harris, mbërriti të radhitet e para në Mbretërinë e Bashkuar dhe për vitin 2018 u bë kënga që qëndroi më së gjati në vendin e parë, nga një këngëtare. Me këtë këngë, ajo e fitoi çmimin Brit Award për Këngën e Vitit. Në vitin 2019, ajo e fitoi edhe çmimin Grammy Award për kategorinë Artistja më e Mirë e Re dhe kënga "Electricity", një bashkëpunim me Silk City e fitoi çmimin Grammy Award për kategorinë Videoklipi më i Mirë. Suksesi i këngëve e ndihmoi albumin të bëhet njëri nga albumet më të transmetuara në Spotify dhe të arrijë të marrë vlerësime platini. Albumi i saj i dytë në studio "Future Nostalgia zuri vendin e dytë në Grafikun e Albumeve në MB dhe në Billboard Hot 100. Albumi remiks Club Future Nostalgia, pasoi në gusht 2020 dhe mori vlerësime kritike universale.
Lipa ka fituar shumë çmime gjatë karrierës së saj, duke përfshirë dy çmime Grammy, tri çmime Brit dhe dy çmime MTV Europe Music. Ajo është nominuar edhe për tri çmime Billboard, një çmim American Music dhe dhjetë çmime MTV Video Music.