Rita Ora prezentohet si ‘kosovare’: Kosova është e pavarur tash

Rita Ora prezentohet si ‘kosovare’: Kosova është e pavarur tash

Wednesday, 25 August 2021 - 23:15albinfo.ch

Këngëtarja nga Kosova me famë ndërkombëtare Rita Ora nuk heziton në asnjë paraqitje publike të tregojë origjinën e saj dhe të flas për shtetin e Kosovës, shkruan Albinfo.ch.

Megjithatë, së fundmi ajo ka shkaktuar konfuzion në opinion kur ka përmendur termin ‘kosovare’, për të treguar origjinën e saj.

Rita ka sqaruar përdorimin e termave “shqiptare” dhe “kosovare”, të cilat kohë më parë shkaktuan edhe debat. Ajo ka qenë e ftuar tek “Wired”, ku u është përgjigjur të gjitha pyetjeve më të klikuara për të në Google. Derisa po fliste për personazhin e saj të preferuar e që është Jim Belushi, ajo tha se e pëlqen sepse është kosovar duke mos e mohuar krenarinë e saj me figurat që vendi i saj ka nxjerrë, transmeton tutje Albinfo.ch.

“Po jam shqipare por më lini t’ua shpjegoj pak pasi është disi e komplikuar. Kosova është e pavarur tashmë, por nuk ka qenë më parë. Për vite të tëra une kam thënë që shqiptare, jam shqiptare, shqiptare, por aktualisht jam kosovare, megjithatë është pothuajse e njëjta gjë ”, theksoi Rita.